حبيبتي يا مصر

مصر خلاص أتغيرت وهتلبس لون جديد                       الأسود خلاص راح تقلعه واللي جاي أبيض أكيد

حريه وعداله ونور وديمقراطيه مسلـــــم                        ومسيحي أخواني وسلفي كلهم كتله مصـــــــــريه

كلهم هيغيرو بس محتاجنا جنبــــــــــــهم                        علشان نقلع العمة والجلابيه تلاتين سنه ف قلبهم

نفسنا نعيش شويه أفنديه ونحس أنها أتغيرت                   بس كل ده محاج شويه مسئوليه عاوزين نخلي

الناس تشتغل ويشوفوا ياناس شغلهم                             وننس بقى التحرير والعباسية

البلد هتروح مننا لو مكناش كلنا يد وحدة مصريه             ياناس حرم عليكم سبوها ف حالها بقى أحنا

غاوين شقى ليه مش عاوزين نتغير وننسى                    الثقافات الغريبة ونبطل نشخبط ع البابان ونكتب

ع الحيطان يسقط فلان ويعيش فلان                             خلينا نتغير ونكون كويسين ولما حد يطلب منك

كده قوله لا ده كان زمان نفسنا نغير ثقافه                      الصف التاني والتبول ع الحيطان نفسنا نلغي من

حياتنا كلمه خليك في حالك ربي عيالك                          يا عم دأنا غلبان لا ده كله غلط نفسنا نكون

ايد وحدة ونخده ونعديها لبر الأمان                              ولو حد قالك اعمل كده قوله لا ده كان زمان

ده الغرب بيغنالها وبيسعوا علشان يجلها                        من أجل يشربوا من نيلها ويعوموا في بحورها

مصر دي أمانه وربنا في القرأن ذكرها                         يبقى نضيعها مننا ولا نحطها ف قلبنا ونقول

                                    للغيران مننا لا ده كان زمان  

حبيبتي ع الأرض ماشية

عروسه ماشية وفاردة طرحتها
ع الأرض ماشية ورافعه هامتها
بتقول تعالى يا معتدي يا جبان ومعاها موت جوه وردتها
جايه بتجري عليه ونطقه شهادتها
بتقول رجوع الأرض راح يبقى فرحتها
بتدعي الجميع يحضر لزفتها
على عريس من نفس بلدتها
سبقها وقام بنفس مهمتها
قدم روحه فدا الأرض وعزتها
وقاموا بفرحه والأرض زفتها
موكب مهيب لعريس وعروسة فرحتها
أن السلام راح ييجي بعد زفتها
عروسة جايه وفرده طرحتها
ع الأرض ماشية ورافعه هامهتا

مهداه لشهداء فلسطين الحبيبه

على أسم مصر

وترن من تاني نفس النبرة في وداني ومؤشر الفرحة يتحرك في وجداني وأغاني واحشاني باتذكرها ما لهاش عد فيه شيء حصل أو بيحصل أو حيحصل جد أو ربما الأمر حالة وجد واخداني انا اللي ياما الهوى جابني ووداني وكلام على لساني جاني لابد أقوله لحد القمح ليه اسمه قمح اليوم وأمس وغد ومصر يحرم عليها .. والجدال يشتد على اسم مصر

شرفاء ولكن

شرفاء ولكن

عرفتكم ف التلفاز شرفاء نبلاء تحاضرون وتخاطبون العقلاء تطالبون بالحرية وتتكلمون في الدستور تذكرون الناس بحقوقهم وتنادون بالديمقراطية من أجل حرية الجمهور انتم بالنسبة لنا كالنبال تصيب بسهامها عيون الفساد احببتكم وكنت أتمنى أن ألتقي بكم حتى ألتقت لنفسي معكم تذكار أتباهى به ليل ونهار وجاءت الفرصة بالصدفة وكانت الصدمة رأيت وجوههكم الحقيقية . فأنت يا من بالقانون والدستور وبالدين تتكلمون وإلى القرأن والسنه تحتكمون وللفساد والمفسيدين أنتم محاربون يا من بعقول الناس تتلاعبون رأيتكم نعم رأيتكم بعيني رأيتكم في بحور الرزيلة عائمون تسبحون رأيتكم قوادين وإلى البغاء مقتادين وللفساد تدعمون ورأيتكم مع المفسدين أنتم جالسون تأكلون وتشربون وتتسامرون كرهتكم نعم كرهتكم فانتم لهذا البلد خائنون وأمثلكم في بلادا تعرف الشريعة يرجمون أرحلوا وكفوا عن الكلام وأتركونا فنحن لسنا عاجزين وبدونكم نستطيع أن نحارب المفسدين وأنتم من أول من سيحاربون .

أه يا بلد

أحنا شبعنا وعوود وهميه                            وحقنا فيكي ضاع من زمان
مصر بلدنا يا غاليه عليا                              قولي خــــــلاص آن الآوان
قومي يا مصر وبرجليكي                            و دوسي يا مصر ع الخانوكي
نفسي أصرخ نفسي أقول                             اللي بيحصل ده مش معقول
ظلم وقهر وسرقه كمان                               غش ونهب وتزوير للبرلمان
الحزب الحاكم أسمه الوطني                         مع أن الصح يكون الوثني
مصر بلدنا يا غاليا عليا                              قولي خـــــــــلاص آن الأون

أمين شرطة في المرور

عاوز احكي لكم حكايه صغيره بس ارجوكم افهموني من البدايه علشان انا في الكتابه مش ضليع بس كرهي للحكومة نفس كرهي للتطبيع الحكايه اصلها حاجه تخنق اسعار غاليه نار وظروف صعبه وكمان ذل واهانه وقله كرامة وسرقه عيني عينك من كل واحد الدوله خليت ليه كيان في البدايه هحكي لكم حكايه اسمها امين شرطه في المرور .

امين شرطه في المرور لا يعرف حاجة عن المرور ولا يعني ايه معنى كلمه مرور وان في يوم سألته هيرد ويقول المرور يعني عدي من هنا والا هتقف في الطابور يعم فارقنا وخليك في حالك .

المهم أن كل اللي عليه أنه يقف في الأشاره ودفتره في أيديه وعينه على الطريق علشان يختار الزبون فجأه ظهرة العربيه فخمة وجميله وعليها كمان نمر جمركيه يعني الزبون غريب ميعرفش حاجة عن المرور وشارو الباشا ووقف العربية سأله الزبون ايش في ايش رد الباشا مبتسم انت يا غالي مخالف والغرامة كبيرة سأله الزبون مخالف في ايه قال له انت مش عارف انه ممنوع ان الزجاج يكون فاميه دي لوحدق قضيه قال الزبون يا شيخ دول كلهم كام يوم ومسافر ما في داعي للغرامه ومد ايدك وامسك دي مني ليك هديه واداله في ايده عمود يعني باللغة العاميه ورقه بميه (100) شاور الباشا وقاله مع السلامة يا غالي وهتوحشتنا لما تسافر ورجع الباشا مكانه علشان يصطاد تاني ضحيه وجه اللي عليه العين والنيه سواق غلبان راكب عربيه تاكسي من بتواع زمان واقفه الباشا سأله السواق خير يابني في ايه قاله دانت هتروح في داهيه ليه يا بني ما كل حاجة تمام قاله انت مش شايف انت سايق من غير حزام قاله الراجل ولازمته ايه بس الحزام انا راجل كبير وسواقتي على قدي ومبيجريش قاله الباشا كمان ما بتجريش دانت يومك مش هينتهي خلص وهات الرخص قاله الراجل يا بني ملوش لازوم .

قال انت هتحور في الكلام انت مش عارف أن الدوله حطتلك قانون الحزام علشان تحميك يعني لما ربنا كده يكرمك وتتقلب العربيه بيك ويحاولوا الناس يخرجوك وميعرفوش منها يطلعوك يبقى البركة في الحزام خلص يا عم ومتكترش في الكلام وشوف هتدافع كام قال له الراجل صباح الفل يا باشا ومد ايده بعشره جنيه قاله الباشا انت عبيط يا عم ايه دي قال له الراجل يابني انا لسه على فيض الكريم لسه على الله قال الباشا احنا كلنا على الله انا لسه مستتفتحتش غير هو كارت شحن بميه ويا دوب بنزين العربيه أنتم عاوزينا نسرق ولا ايه قال السواق خلاص شوف حضرتك اللي يرديك كام قاله علشان انت راجل كبير وجيت دوغري انا مش هدفعك كتير هما يدوب تلاتين ( 30) دفع السواق ومشي وقال حسبي الله ونعم الوكيل في الحكام اللي خالوا كل واحد يعمل لنفسه نظام احنا مش عارفين على أي قانون أحنا ماشيين هي الدوله دي ماشيه أزاي وفين الناس اللي في فوق مفيش يا ناس رقيب يرحمنا من اللي بيحصل ولا نعمل ايه .

يا حكمنا حرام أخرجوا من المكاتب وشوفوا الناس بيجرلها ايه اصل الكراسي مش دايما القعاد عليه هيجليك يوم وتخرج ونشوف ساعتها هيجرى ايه احنا بالنسبة ليكم رعيه وأنتم خالفت شروط المسئوليه نجيب منين تاني عمر ولا على ولا عثمان يارب ارحمنا من ده الزمان واكرمنا كده وخلصنا من الحكام .

وفي أخر الحكايه نفسي اسأل سؤال هو العيب فينا ولا في الحكام ؟

أه يا بلد

أه يا بلد

يا بلد أصحي و قومي قامت قيمتك سبي واشتمي وأضربي اللي بيغلطوا فيكي . وثوري وأغضبي على اللي خلوا كلاب العرب يشمتوا فيكي . اسمك يا بلد كان ليهم منارة ماركة مسجلة مش مستعارة . دلوقتي بيقولوا عليكي اللي مستحيل يا بلد يكون فيكي بيقول انك يا بلد مشهورة بالدعارة . يا بلد قومي اقفي عل رجليكي ومشيهم زي ما كنتي زمان بتعملي زي الطيور تهشيهم خانوكي وباعوكي وخلوا الكلاب ينهشوا فيكي . يا بلد سبيهم وشتميهم وحاسبيهم على اللي عملوه فيكي حرموا ولادك من خيرك وخدوه وظيطوه وباعوه في بلد غيرك وكسبوه منه الملايين وخلوا ولادك ف الفقر عايشيين حتى التراب من أجل يغمسوه ف العيش مش لقيين . لو كان يعجبك كده يا بلد خلاص خليكي .