أه يا بلد 3

أه يا بلد بحبك مووووووووووت وحبك ساكن ف يقلبي لحد ما موت
بحبك أه بس للأسف بشوف فيكي حاجات مبتعجبنيش . بشوف فيكي ذل وإهانه وقله كرامة للفقير مبتنتهيش بشوف فيكي شرطة ظلمة لشعب ساكت بس علشان يعيش . بشوف فيكي أمين شرطة غبي تعليمه محدود بيضرب راجل مسن غلبان مد ايده علشان جعان ويفتش شاب جامعي تفتيش ذاتي على الكورنيش . بشوف فيكي عسكري معفن جاهل مستخبي جوه بدله ملكي علشان منعرفهوش بيضرب بنت قدام الناس ومبيختشيش .

أه يا بلد بحبك مووووووووووت وحبك ساكن ف يقلبي لحد ما موت
بحبك جدا وبحب فيكي نيلك وليلك وسمار ولادك اللي هما ف الأصل متهانين . ولادك يا بلد اللي لو نديتيهم بسرعة هتلقيم شايلين سلحهم وأكفانهم على ايديهم وأروحهم بيقدموها فدا ليكي . هما دول ولادك مش اللي فيكي عايشين وبخيرك متهنيين واللي لو فكرتي تناديهم بسرعة هتليقهم خدوا فلوسهم وثراوتهم وخيرك وجري رامو نفسهم في أحضان بلد غيرك . شوفي الفرق يا بلد .

أه يا بلد بحبك مووووووووووت وحبك ساكن ف يقلبي لحد ما موت
بحبك أه بس للأسف بكره فيكي نظيف وعز وسرور وبكره كل مسئول فاسد مغرور اصله كلنا عارفينه كان بالطبله والزماره ورا الرقصات بيدور لكن دلوقتي ارضه صلبه زي الحديد وكل يوم غرورو بيذيد . ربنا يرحمنا ويسترها معاكي يا مصر

أه يا بلد 2

أه يا بلد فيك الناس طبقتين طبقة عايشة فوق ف العلالي وطبقة تحت ف الطين ناس على ريش نعام نايمين وناس تحت الكباري فارشين عجبي عليكي يا بلد فيكي الخير كتير بس للأسف انه للغني مش للفير عجبي عليكي يا بلد فيكي الفقير منداس لا له قيمة ولا وكرامه ولا له حق عند ناس عجبي عليكي يا بلد توفيق وعليه والسعدي وأبو الفتوح يالي خيرك ليهم رايح بدون رجوع ..... ربنا معاكي يا مصر

طارق سعيد