راح ترجعي

لما رقد الصبي ع الأرض وأتمدد
صابه رصاص من خسيس عيه سدد
صرخ الأب ولدي ما راح والكل وراه بيردد
أحنا في وجه الظلم والعدوان واقفين ما نتهدد
سلاحنا في أيدينا إيمان بالله وحجارة تتسدد
واشهد يا عالم على مذابحهم وأسمع كلامي وعدد
صابرا وشاتيلا قانا ودير ياسين وآهات بتتردد
وجت جنين من بعدهم لأجل الأحزان ما تتجدد
وأولأدك يا قدس يستشهدوا والدم يتجدد
وبأرواحهم الطاهرة يافلسطين أرضك دي تتحدد
والعدو خواف من ورا ساتر بيهدد
وأحنا ما بنخاف وعلىأولادنا بنشدد
أما الشهادة وأما النصر متحدد
بايدينا ودمانا وأرواحنا ونردد
الله أكبر على الظلم والطغين
الله أكبر على بني الأنسان
وراح ترجعي يا قدس ولو أجسادنا تتمدد
على أرضك وشهدكي تتعدد
وفائك لآياتك وغيرهم من العرايس هى اللى بتهدد
أمن العدو وأحنا وراها نردد
راح ترجعي ياقدس ولو أجسامنا تتمدد

أبو دومه وقرية العداد

أبو دومه ف يوم راح جاب كومة قش لأجل يعرش بيه العش
أصل العش كان عشه صفيح مهنا للشمس
مفيهاش إلا سرير عمدان وكنبة وكرسيين وسقف من القش
أبو دومه راجل جاهل متعلمش---
ومراته زيه غبيه مبتفهمش---
ولاجل ده داقت حياتهم وبقت وش
وجابو من العيال دسته وفي العش الوش بقى فى الوش
على طول طلبات عايزين الأكل وما فى غير المش
أبو دومه كان يخرج من الفجر في الغيطان وينزل حش
لأجل يدولوا فى أيده كام جنية وعليهم كام قرش
ويى يوم صابة المرض والمرض مبيرحمش
ورقد أبو دومه مبيتحركش
ومعتش فى بيته مليم أو حته قرش
فخرج عياله للشغل وبقوا يجيبوا القرش
وإتحسن الحال وكل عيل من العيال لقى بنت الحلال وبنالها عش
وزى أبوهم وأمهم الجهل معشش في عقولهم ولا بيرحمش
فكل واحد جاب من العيال دستة مبيتعلمش
وآدي جذور المشكلة فقر وجهل ومرض وزيادة في الأعداد
بس بالعلم تتحل المشطلة وتتعدل قريه العداد
وتنتهي الزيادة في السكان ويتعدل معاها الميزان